Weinabend 2016

Weinabend am Samstag 27.8.2016, ab 18 Uhr bei Gerlinde Moster, Hauptstr. 51

Die Silzer Schneckepost berichtet darüber in der Ausgabe 7/2016:

Pälzer Wei unn subber Wedder

De Weiowed bei´s Moschders war mo widder enn volle Erfolg.

´s war jo arich hääß gewest an dem Samsdach, awwer owends ab de sechse, wu die Erschde aagschläbbelt kumme sinn, hot ma´s gut aushalde kinne in de Gerlinde ihrm herrlich gschdaldete Hof mit dem besonnere Fläär. Alles war wunnerschee vumm Bircherverein dekoriert unn organisiert, die Leit henn sich richtich wohlgfiehlt.

Ab de achde isch´s dann schunn knapp worre mit de Sitzplätz unn die Stehdisch warn ach ball belachert. “Grad weil´s so schee kuschlich unn gemiedlich isch ins Moschders ihrm Hof, kamma mit jedem mol verzehle. „Des misse ma uubedingt negschd Johr widder mache”, henn se all g´määnt.

E paar Junge sinn sogar mit Hemd unn Aaziechel kumme, des hott was herg´macht.

Vunn 1 bis 86 warn alle Aldersklasse verträäde, ach e paar Auswärdiche warn unner de Gäschd. Die hänn sich vunn Pälzer Charme ums Rumgugge einemme losse.

So etliche Viertel sinn durch die Kehle gflosse, bis dann die Letschde um 2 rum zum Hofdor drauß warn. (mg)